Onlayn ictimai-siyasi qəzet
13 yaşlı oğlu üçün fahişə çağıran ata saxlandı
Böyük Britaniyada ata 13 yaşlı oğlu üçün seks işçisi ilə görüş təşkil edib və yeniyetmə intim əlaqəyə girmək istəmədiyini dedikdə ona irad bildirib.
Hüquqi səbəblərə görə adını açıqlanmayan ata Londonun cənub-şərqindəki Bromleydə iki hotel otağı sifariş edib və iki seks işçisi ilə görüşməyi təşkil edib. 13 yaşlı oğlu onun üçün gətirilən 26 yaşlı qadınla cinsi əlaqədə olmaq istəmədiyini deyib.
Ata oğluna kokain də təklif edib və oğlan buna: "Mənim 13 yaşım var, bu gülməlidir" - deyə cavab verib. Nəticədə ata uşağı intim münasibətlərə cəlb etməkdə və narkotik istifadə etməkdə günahını etiraf edib.
Prokuror Martin İnql məhkəməyə deyib ki, ata oğlunu nahara dəvət edib. Ata deyib ki, seks işçisi artıq taksidə olub, ona görə də görüşü ləğv etmək mümkün olmayıb.
Məhkəmə müəyyən edib ki, 26 yaşlı qadın ayrı otaqda yeniyetmə ilə intim münasibətdə olub. Polisin hesabatında qeyd edilib ki, azyaşlı cinsi əlaqədə iştirak etmək istəmədiyini və bunun iyrənc olduğunu bildirib. Daha sonra ata görüş yerini tərk etməzdən əvvəl qadınların hər birinə 150 funt sterlinq pul ödəyib.
Prokuror İnql bildirib ki, uşağın anası nə baş verdiyini biləndə oğlunu polis bölməsinə aparıb və ata qısa müddət sonra həbs edilib. Hakim Tony Hyams-Parish atanın cinayətə görə beş il həbs cəzası ala biləcəyini xəbərdar edib./Lent.az
XƏBƏR LENTİ
08 Noyabr 2024
07 Noyabr 2024
ŞƏRHLƏRŞƏRH YAZ