Dağlarda baş verən qəzadan sonra 10 ildir ictimaiyyət qarşısına çıxmayan keçmiş yarışçı Mixael Şumaxerin ətrafındakılar özünü yaxşı hiss etməsi və qızının toyunda iştirak edə bilməsi xəbərini təkzib ediblər. Bundan əvvəl mətbuat 55 yaşlı Şumaxerin vəziyyətinin ona böyük qızı Gina Marianın sentyabrın sonunda Mayorkadakı ailə villasında baş tutan toyunda iştirak etməyə icazə verdiyini yazıb.
Şumaxerin yaxın dostu, keçmiş Formula 1 ulduzu Conni Herbert bu məlumatı “Mirror” nəşrinə müsahibəsində təkzib edib.
“Ən son şayiə onun qızının toyunda iştirak etməsi olub. Təəssüf ki, başa düşdüyüm kimi, bu, yalan xəbər idi və bir damla həqiqət yox idi”, - deyə Conni nəşrə bildirib.
Şumaxerin vəziyyətinin ona aktiv həyat tərzi sürməyə imkan verməsi əvvəllər neyrocərrah Con Post tərəfindən çətin adlandırılmışdı.
“Mövcud olan məlumata əsasən, onun çox aktiv həyat sürdüyünü düşünmürəm. Hər şey onun pis olduğunu göstərir. Yataq xəstələrinin əksəriyyəti o qədər zəifləyir ki, bu qədər ildən sonra artıq yataqdan qalxa bilmirlər”, - deyə C.Post “Iltalehti” nəşrinə vurğulayıb.
Qeyd edək ki, 2013-cü il dekabrın sonunda Fransa Alp dağlarında xizək sürərkən Şumaxer yoldan kənara çıxıb, qayaya yıxılıb və başını qayalara çırpıb. İdmançının dəbilqə geyinməsinə baxmayaraq, zədəsinin çox ciddi olduğu üzə çıxıb. O iki dəfə beyin əməliyyatı keçirib və bir neçə ay komada qalıb. Növbəti yay məlum olub ki, Şumaxer özünə gəlib və reabilitasiya mərkəzinə köçürülüb. Ailə sonradan onu Cenevrə gölündəki evlərinə köçürür, burada arvadı Korinna və həkimlər qrupu ona gecə-gündüz qulluq edib.
Bütün bu illər ərzində ailə Şumaxerin vəziyyəti ilə bağlı məlumatları gizli saxlayıb, onunla görüşə icazə verilən insanların dairəsini məhdudlaşdırıb. Keçmiş yarışçı və idmançının yaxın dostu Filipp Streiff Mayklın iflic olduğunu və əlil arabasından istifadə etdiyini desə də, sonradan ailə nümayəndələri bu məlumatı təkzib ediblər. Öz növbəsində, Formula 1 komandasının keçmiş rəhbərinin keçmiş arvadı Flavio Briatore İspaniya mətbuatına “Maykl danışmır, o, gözü ilə ünsiyyət qurur” açıqlayıb.
Bu arada Şumaxerin oğlu Mik də onun yolunu gedərək yarışçı olub, qızı isə atçılıq idmanı ilə məşğul olur. (olay)
ŞƏRHLƏRŞƏRH YAZ