Onlayn ictimai-siyasi qəzet
Rusiya və Tacikistan 300 milyon dollarlıq borcla bağlı razılığa gəldi
Tacikistan və Rusiya "Sangtuda SES-1" müştərək müəssisəsinə elektrik enerjisi ilə bağlı borcun ödənilməsi məsələsində prinsipial razılığa gəlib.
Musavat.com xəbər verir ki, bunu Tacikistanın energetika və su ehtiyatları naziri Daler Cuma TASS-ın sualını cavablandırarkən deyib.
Onun sözlərinə görə, tərəflər son bir neçə ildə “Sanqtuda SES-1” ilə bağlı intensiv danışıqlar və müzakirələr aparıblar: “Biz hazırda hökumətlərarası sazişə əlavələr üzrə layihənin hazırlanması üzərində işləyirik”.
Cuma müqavilələrin təfərrüatlarını açıqlamayıb, lakin yaxın vaxtlarda sazişə əlavənin imzalanacağına ümid etdiyini bildirib. Onun sözlərinə görə, Tacikistanın enerji istehlakının 12 faizini təmin edən stansiya onlar üçün mühüm əhəmiyyət kəsb edir.
Qeyd edək ki, “Sangtuda SES-1” ASC 2005-ci ildə yaradılmış Rusiya-Tacikistan birgə müəssisəsidir. Rusiya müəssisənin nizamnamə kapitalında 75 faiz çıxılsın bir pay, Tacikista isə 25 faiz üstəgəl bir paydır. 670 MVt gücündə su elektrik stansiyası Tacikistanın Xatlon vilayətində Vaxş çayı üzərində yerləşir.
Bir müddət əvvəl Rusiyanın Düşənbədəki səfiri Semyon Qriqoryev TASS-a müsahibəsində bildirmişdi ki, “Sanqtuda SES-1”-də istehsal olunan elektrik enerjisinin yeganə alıcısı bütün dövr ərzində istehsal olunan enerjinin dəyərini tam ödəməyən “Barki Tojik” dövlət enerji holdinqidir. Birgə müəssisənin saytında bildirilir ki, 2024-cü ilin dekabr ayının sonunda “Barki Tojik”in su elektrik stansiyasına olan borcu 3,25 milyard somonu (təxminən 299 milyon dollar) keçib.
Musavat.com
XƏBƏR LENTİ
31 Yanvar 2025
30 Yanvar 2025
ŞƏRHLƏRŞƏRH YAZ