Onlayn ictimai-siyasi qəzet
Rusiya raketləri Zelenskinin doğma şəhərini belə vurdu: ABŞ mediası dəhşətli VİDEOnu paylaşdı
Musavat.com -un da xəbər verdiyi kimi, 6 mart 2025-ci ildə Ukraynanın Krivoy Roq şəhərində yerləşən bir hotelə Rusiya tərəfindən raket zərbəsi endirilib.
Ukrayna hakimiyyətinin açıqlamasına görə, ən azı 4 nəfər həlak olub, 30-dan çox insan yaralanıb. Krivoy Roq, Prezident Volodimir Zelenskinin doğma şəhəri olması ilə xüsusi əhəmiyyət daşıyır.
ABŞ -ın öndə gələn qəzeti New York Times bu hadisə ilə bağlı xüsusi məqalə ilə çıxış edib.
Məqalədə vurğulanır ki, bu hücum ABŞ-ın Ukraynaya hərbi və kəşfiyyat dəstəyini dayandırdığını elan etməsindən sonra baş verib. Son günlərdə Rusiyanın Ukrayna ərazisinə hava hücumlarını artırdığı müşahidə edilir. Analitiklər bildirirlər ki, Vaşinqtonun hərbi yardımı dayandırması Kremlin hücum planlarını daha da aqressivləşdirə bilər.
Şahidlərin sözlərinə görə, raket zərbəsindən sonra hotelin bir hissəsi tamamilə dağılıb, xilasetmə qrupları dağıntılar altında qalan insanları çıxarmaq üçün intensiv iş aparır. Ukrayna rəsmiləri bildiriblər ki, bu hücum mülki infrastrukturu hədəf alan növbəti terror aktıdır və Rusiya ordusunun müharibə cinayətləri törətməyə davam etdiyini vurğulayıblar.
Zelenski: “Rusiya məqsədli şəkildə mülki şəxsləri öldürür”
Prezident Volodimir Zelenski hücuma sərt reaksiya verərək, Rusiyanın məqsədli şəkildə Ukraynanın mülki əhalisini hədəf aldığını bildirib. O, beynəlxalq ictimaiyyəti Rusiyaya qarşı daha sərt tədbirlər görməyə çağırıb.
Hücum anına aid video görüntülər də yayımlanıb
Musavat.com bildirir ki, NYT hücumun görüntülərini də yayınlayıb.
Bu hadisə Ukrayna üçün yeni bir təhlükəli mərhələnin başlanğıcı ola bilər. Qərbin dəstəyinin azalması fonunda Rusiya ordusunun hücumlarını daha da gücləndirəcəyi gözlənilirdi. Ukrayna hakimiyyəti ABŞ və Avropanı təcili reaksiya verməyə və hərbi yardımı bərpa etməyə çağırır.
Musavat.com
ƏLAQƏLİ XƏBƏRLƏR
XƏBƏR LENTİ
07 Mart 2025
06 Mart 2025
ŞƏRHLƏRŞƏRH YAZ