Onlayn ictimai-siyasi qəzet
Rusiya peşəkar diversiya qruplarını şəhərə yeridir – həyəcan təbili
Musavat.com xəbər verir ki, Ukraynalı hərbi ekspert, SBU-nun (Ukrayna Təhlükəsizlik Xidməti) sabiq əməkdaşı İvan Stupak Rusiyanın Donetsk vilayətində yerləşən Pokrovsk şəhərinə peşəkar diversiya-hücum qruplarının daxil olduğunu bildirib. Onun sözlərinə görə, bu, cəbhədə vəziyyətin daha təhlükəli fazaya keçdiyini göstərir.
“Bu çox pis siqnaldır,” – deyə Stupak xəbərdarlıq edib. Onun sözlərinə görə, əvvəllər Pokrovska daxil olan rus qrupları əsasən hazırlıqsız, müvəqqəti döyüşçülərdən ibarət olurdu: “Tez girirdilər, döyüşə atılırdılar və dərhal ya ‘iki yüz’ (ölü), ya da ‘üç yüz’ (yaralı) olur, geri çıxarılırdılar.”
Amma indi vəziyyət dəyişib – artıq şəhərə yüksək səviyyədə hazırlıqlı, təlim keçmiş, sabit strukturda olan diversiya-hücum qrupları daxil olur. Bu isə Rusiyanın Pokrovsk istiqamətində xüsusi əməliyyat taktikasını dəyişdirdiyinə işarə edir.
Ekspert əlavə edir ki, bu qrupların şəhər daxilində peyda olması həm yerli müdafiə qüvvələri, həm də ümumi cəbhə xətti üçün təhlükənin artmasından xəbər verir. Xəritədə də görünür ki, Pokrovsk ətrafında rus qüvvələrinin təzyiq xətti daralmaqdadır.
Qeyd edək ki, Pokrovsk Donetsk vilayətində mühüm strateji mövqeyə malik şəhərdir və cəbhənin bu hissəsində hərbi dinamikanın dəyişməsi bütövlükdə region üçün ciddi nəticələrə yol aça bilər.
Musavat.com
XƏBƏR LENTİ
28 Iyul 2025
27 Iyul 2025
ŞƏRHLƏRŞƏRH YAZ