Onlayn ictimai-siyasi qəzet
Putin Merkelin üstünə it qısqırtdı, illər sonra isə ondan üzr istədi: "İtdən qorxduğunu..."
Rusiya Prezidenti Vladimir Putin keçmiş Almaniya kansleri Angela Merkelin xatirələrində təsvir etdiyi bir hadisə ilə bağlı illər sonra üzrxahlıq edib.
Musavat.com-un məlumatına görə, Putin Merkelin itlərdən qorxduğunu bilmədiyini və məqsədinin onu qorxutmaq olmadığını vurğulayıb.
“Əgər bunu bilsəydim, belə bir şey etməzdim. Əksinə, məqsədim rahat və xoş bir atmosfer yaratmaq idi,” - deyə Rusiya lideri qeyd edib.
Merkel öz xatirələrində Kremldəki görüşlərindən birində Putinin Labrador cinsi iti Koni ilə birlikdə otaqda olduğunu və bu vəziyyətin onda qorxu yaratdığını yazıb. Merkel həmin vaxt düşünürdü ki, Putin bu hərəkəti onu qəsdən qorxutmaq məqsədilə edib.
Hadisə zamanı Putinin iti Koni görüş otağına gətirilmişdi. Merkelin üz ifadələrindən onun itlərdən çəkinməsi aydın sezilmişdi. O vaxtdan bəri bir çox müşahidəçi və politoloq bu hadisəni Putinin güc nümayişi kimi şərh etmişdi. Lakin Putin açıqlamasında bunu tamamilə təsadüfi bir hal kimi izah edib: “Mənim heç bir şəkildə onu narahat etmək niyyətim yox idi. Əgər belə bir qorxusu olduğunu bilsəydim, bu, heç baş verməzdi.”
Bu üzrxahlıq, illər əvvəl baş vermiş hadisənin Merkelin yaddaşında yaratdığı xoşagəlməz təəssüratı aradan qaldırmağa yönəlib.
Merkelin həmin epizodu xatirələrində xüsusi olaraq vurğulaması hadisənin onun üzərində ciddi təsir buraxdığını göstərir.
Musavat.com
XƏBƏR LENTİ
29 Noyabr 2024
28 Noyabr 2024
ŞƏRHLƏRŞƏRH YAZ