Onlayn ictimai-siyasi qəzet
Putin Avropaya sata bilmədiyi qazı Özbəkistana ötürür - ÖZÜ AÇIQLADI
Rusiya Qazaxıstan ərazisi ilə Özbəkistana qaz nəqlini artıracaq.
Musavat.com xəbər verir ki, bunu Astanada rəsmi səfərdə olan Rusiya prezidenti Vladimir Putin Qazaxıstan prezidenti ilə keçirdiyi mətbuat konfransında deyib: “Keçən ildən Rusiyadan qaz Qazaxıstan ərazisindən keçməklə qonşu Özbəkistana ötürülür və biz bu tədarükü artıracağıq”. O qeyd edib ki, Rusiya-Qazaxıstan əməkdaşlığı enerji sahəsində sistemli şəkildə inkişaf edir: “Xəzər Boru Kəməri Konsorsiumunun (CPC) fəaliyyəti sayəsində xarici bazarlara ixrac edilən Qazaxıstan neftinin əsas hissəsi Rusiya ərazisindən və Qara dənizdəki Rusiya limanlarından keçir. Eyni zamanda ölkəmiz Qazaxıstan kömürünü idxal edir, Qazprom tərəfindən Qazaxıstanda iki yeni istilik elektrik stansiyasının tikintisi gündəmdədir”.
Putinin səfəri çərçivəsində Rusiya və Qazaxıstan 2010-cu il dekabrın 9-da Qazaxıstana neft və neft məhsullarının tədarükü sahəsində ticarət-iqtisadi əməkdaşlıq haqqında hökumətlərarası sazişin uzadılması və dəyişdirilməsi haqqında protokol imzalayıblar. Sənəd prezidentlər Vladimir Putin və Kasım-Jomart Tokayev arasında Qazaxıstanda keçirilən görüşdə imzalanıb.
Danışıqların yekunlarına dair birgə bəyanatda xüsusilə qeyd olunur ki, tərəflər regionun enerji təhlükəsizliyinin və sabitliyinin təmin edilməsində, eləcə də iqtisadi əlaqələrin inkişafında əsas rol oynayan Xəzər Boru Kəməri Konsorsiumunun (CPC) sabit işini qeyd edirlər: “Tərəflər qaz sektorunda, o cümlədən qazın üçüncü ölkələrə nəqli məqsədilə tərəfdaşlığın daha da genişləndirilməsində maraqlı olduqlarını bildirirlər”.
Tərəflər resurs təchizatının sabitliyini və etibarlılığını təmin etmək üçün kritik transsərhəd enerji infrastrukturunun təhlükəsizliyinə zəmanət verilməsinin vacibliyini vurğulayırlar. Ədalətli, mərhələli və balanslaşdırılmış enerji keçidlərinin həyata keçirilməsində təbii qazın ən mühüm keçid yanacağı kimi roluna xüsusi diqqət yetirilir.
Musavat.com
XƏBƏR LENTİ
28 Noyabr 2024
27 Noyabr 2024
ŞƏRHLƏRŞƏRH YAZ