Onlayn ictimai-siyasi qəzet
Özbəkistan mənzil alarkən nağd pula qadağa qoymaq istəyir
Özbəkistan hakimiyyəti hər hansı daşınmaz əmlak əməliyyatında nağd puldan istifadəni qadağan etməyi planlaşdırır – bütün ödənişlər yalnız banklar vasitəsilə həyata keçirilməli olacaq.
Musavat.com yerli mediaya istinadla xəbər verir ki, bunu Senatın iclasında Vergilər Komitəsi sədrinin birinci müavini Mubin Mirzəyev bildirib.
Onun sözlərinə görə, yeni qanun layihəsi daşınmaz əmlak bazarını daha şəffaf edəcək və “kölgə” sxemlərinin sayını azaldacaq.
“Bir çox ölkələr 2030-cu ilə qədər tamamilə nağdsız ödənişlərə keçməyə çalışır. Biz ən böyük sahələrdən biri kimi daşınmaz əmlakdan başlayırıq”, - Mirzəyev bildirib.
Layihə artıq nazirliklərlə razılaşdırılaraq Prezident Administrasiyasına təqdim edilib. Qəbul olunarsa, bütün mənzil əməliyyatları yalnız nağdsız qaydada - bank hesabları vasitəsilə ödəniləcək.
Musavat.com
XƏBƏR LENTİ
30 Iyun 2025
ŞƏRHLƏRŞƏRH YAZ