Onlayn ictimai-siyasi qəzet
Məmurlar Maska hesabat vermir, Tramp onları "işdən qovulmuş" sayır
Donald Trampın müşaviri, Hökumətin Effektivliyi Departamentinin (DOGE) rəhbəri İlon Maskın tələblərinə dövlət aparatı tərəfindən ardıcıl olaraq məhəl qoyulmur.
Musavat.com xarici mediaya istinadla xəbər verir ki, milyarder dövlət işçilərindən iş hesabatı ala bilmir. Bundan əlavə, məhkəmə ABŞ Beynəlxalq İnkişaf Agentliyinə (USAID) qarşı ən çox yayılmış DOGE aksiyasını ləğv edib. Mask üçün daha pis olanı Ağ Evdə çalışanlar da daxil olmaqla respublikaçıların ona qarşı çıxmasıdır.
Maskın 2 milyon hökumət işçisinə elan etdiyi ultimatum üçün son tarix başa çatıb. Onlar bir həftə ərzində DOGE-yə işlərinə dair hesabat təqdim etməli idilər. Xeyli sayda nazirlik və idarə rəhbərləri öz əməkdaşlarına bunu bilavasitə qadağan ediblər.
Prezident müşavirinin iradəsini belə pozanlar arasında hətta Pentaqonun rəhbəri Pit Heqset və milli kəşfiyyatın direktoru Tulsi Qabbard da var. Mask rəsmilərin qadağa üçün göstərdiyi səbəbin əsaslı olmadığını izah edib: o, məxfi məlumatların hesabatlara daxil edilməsini tələb etməyib. Düzdür, aydın deyil ki, məsələn, MKİ əməkdaşı hansısa göstəriş və ya qanunla açıqlanması qadağan olunmuş bir şeyi xəbər vermədən həftəlik işi haqqında necə hesabat yaza bilər.
Görünür, DOGE-nin ixtiyarında çox az sayda hesabat var. Bu hesabatların toplanmasının ardınca kütləvi ixtisarlar aparılmalıdır: Mask hesabat təqdim etməyən bütün dövlət işçilərinə bunları vəd edib.
Kadrlara dair qərarlar vermək Maskın səlahiyyətinə aid deyil: qanuni olaraq o, sadəcə olaraq prezidentin müşaviridir. Trampın özü fevralın 26-dan etibarən heç bir kadr ixtisarı etməyib. O, yalnız Fransa prezidenti Emmanuel Makronla birgə keçirdiyi mətbuat konfransında çox qəribə şərh verib. Tramp bildirib ki, Maskın hesabat tələb edən məktublarına cavab verməyən bütün dövlət işçiləri “və ya yarı işdən qovulmuş” sayılır.
Musavat.com
XƏBƏR LENTİ
27 Fevral 2025
ŞƏRHLƏRŞƏRH YAZ