Onlayn ictimai-siyasi qəzet
Medvedyevdən “sülh konfransı”na həqarət
Rusiya Təhlükəsizlik Şurasının sədr müavini Dmitri Medvedyev 15-16 iyunda İsveçrənin təşkil etdiyi Ukrayna üzrə sülh konfransı ilə bağlı fikirlərini bildirib.
Medvedyev öz fikirlərini Teleqram kanalında yazıb.
Qeyd edək ki, İsveçrə sözügedən, foruma 160-dan çox dövlət dəvət edib, lakin Rusiyaya dəvət göndərməyib.
Medvedyevin sözlərinə görə, buna baxmayaraq, Rusiya Federasiyası İsveçrənin təşəbbüsündən “üç qat fayda” alacaq. O yazır ki, biincisi, konfrans “axmaq Zelenskinin qondarma sülh planının iflasına daha bir sübut olacaq”.
Rusiyanın keçmiş prezidenti Ukraynanın indiki prezidentinin soyadını kiçik hərflə yazmaqla kifayətlənməyib, həm də onu “Bandera əclafı” adlandırıb və “intellektual dəyərsizliyini” bəyan edib.
Medvedyevin sözlərinə görə, ikinci fayda ondan ibarət olacaq ki, konfrans “Vaşinqtondan olan bir qrup qoca həkimin birbaşa göstərişi ilə özünü xədim edən indiki Qərb elitasının iqtidarsızlığının sübutu olacaq. .”
Üçüncüsü, eks-prezidentin fikrincə, konfrans RF ordusuna “kiməsə müdaxilə etmədən və ya kiminsə “sülh təşəbbüslərinə” məhəl qoymadan Kiçik Rusiya ərazisinin təmizlənməsini davam etdirməyə imkan verəcək”.
O, həmçinin Rusiyanın “keçmiş Ukraynanın siyasi rejiminin son süqutuna nail olmaq üçün” çalışacağına əminliyini ifadə edib.
"Təşəkkür edirəm, pendir və saatlar ölkəsi!" - Medvedyev yekunlaşdırıb.
Xatırladaq ki, 2022-ci ilin fevralından bəri Dmitri Medvedyev Ukrayna və Qərbə qarşı həqarət dolu isterik qeydlər yazır.
Musavat.com
XƏBƏR LENTİ
28 Dekabr 2024
02:42 Qara qutu Azərbaycana NİYƏ VERİLMİR? Qazaxıstanın məqsədi budur - İlham İsmayıl detalları AÇIR
27 Dekabr 2024
ŞƏRHLƏRŞƏRH YAZ