Onlayn ictimai-siyasi qəzet
Mask yenə Pentaqona ilişdi: Ucuz dronlar pilotlu təyyarələrdən daha üstündür
ABŞ Hökumətin Səmərəliliyi Departamentinin (DOGE) rəhbəri İlon Mask hesab edir ki, ucuz dronlar gələcəkdə pilotlu təyyarələrin imkanlarını ötəcək.
Musavat.com xəbər verir ki, bunu o, özünün X hesabında qeyd edib.
Maskın sözlərinə görə, “idarə olunan təyyarələr ucuz dronların dəstəsi tərəfindən dərhal məhv ediləcək".
O, Amerikanın “Lockheed Martin” müdafiə korporasiyasını beşinci nəsil F-35 qırıcılarının istehsalı proqramının uğursuzluğunda ittiham edən siyasi fəal Laura Lumerin paylaşımını belə şərh edib. Lumer yazıb ki, “Lockheed Martin” döyüşə hazır olmayan qırıcı təyyarələri tədarük etməklə "Amerika vergi ödəyicilərinə və milli təhlükəsizliyə milyardlarla dollarlıq xəyanətə" görə məsuliyyət daşıyır.
Mask bundan əvvəl ABŞ-ın müharibə vəziyyətində çoxlu sayda uzaq mənzilli pilotsuz təyyarələrə və hipersəs raketlərinə ehtiyacı olduğunu bildirərək, Pentaqonun ənənəvi döyüş təyyarələrinə çəkdiyi xərclərin boşa getdiyini qeyd etmişdi. Bu fikirlərinə görə ABŞ təyyarə istehsalçıları Maska ciddi etirazlarını açıqlamışdılar.
Musavat.com
XƏBƏR LENTİ
27 Aprel 2025
ŞƏRHLƏRŞƏRH YAZ