Onlayn ictimai-siyasi qəzet
Mask: “Baş nazir Starmer kütləvi zorlama işinİ ört-basdır edib”
Böyük Britaniyada uzun illər pakistanlı miqrant qrupları tərəfindən uşaqların kütləvi şəkildə zorlanması ilə bağlı aparılan istintaqın uğursuzluğu ilə bağlı qalmaqal yaşanır.
Musavat.com xarici mediaya istinadla xəbər verir ki, amerikalı milyarder İlon Mask açıq şəkildə Böyük Britaniyanın baş naziri Keyr Starmeri hərəkətsizlikdə və bu cinayətləri gizlətməkdə ittiham edib.
“The Telegraph” yazır ki, miqrantlar 11-15 yaş arası yüzlərlə britaniyalı qızdan ibarət “hərəmlər” yaradıb, onları alkoqol və narkotiklə təmin edib, sonra isə onları qrup şəklində cinsi zorakılığa məruz qoyublar. Qurbanlar arasında internat məktəbinin şagirdləri də var. İddialara görə, hakimiyyət və hüquq-mühafizə orqanları irqçilik ittihamlarından və mümkün iğtişaşlardan qorxaraq cinayət fəaliyyətini bilərəkdən cilovlaya bilməyib.
Britaniya mediası və Naycel Fərəcin müxalif “Reform UK” partiyası Starmerin prokurorluq xidmətinə rəhbərlik etdiyi dövrdə hüquq-mühafizə orqanlarının hərəkətsizliyinin səbəblərinin araşdırılmasını tələb edir.
Bu arada amerikalı sahibkar İlon Mask da işə qarışaraq, X sosial şəbəkəsindəki postlarında Starmeri cinayətləri ört-basdır etməkdə birbaşa ittiham edib və yenidən seçkilərə çağırıb. O qeyd edib ki, polis zorlama kimi ağır cinayətlərdə ittiham irəli sürmək üçün prokurorluğun təsdiqi tələb olunur və cinayətlər törədildikdə xidmətə rəhbərlik edən Starmer olub.
Rəsmi London Maskın Böyük Britaniyanın daxili işlərinə qarışmasını pisləyib. Səhiyyə naziri Endryu Kvuinn deyib ki, Mask Amerika vətəndaşı olaraq öz ölkəsinin problemlərinə diqqət yetirməlidir.
“The Telegraph” həmçinin yazır ki, Leyboristlər Partiyası öz liderinin istintaqına mane olur. Polis naziri Cess Filips Starmerin baş prokuror kimi mümkün hərəkətsizliyi ilə bağlı ictimai araşdırma başlatmaqdan imtina edib.
Musavat.com
XƏBƏR LENTİ
08 Yanvar 2025
07 Yanvar 2025
ŞƏRHLƏRŞƏRH YAZ