Onlayn ictimai-siyasi qəzet
İsrail ABŞ-dan aldığı Patriot sistemlərini Ukraynaya ötürdü – səfirin Kiyevdə etirafı
İsrailin Ukraynaya hərbi yardım göstərmədiyi iddialarına rəsmi cavab gəlib.
Musavat.com xəbər verir ki, İsrailin Ukraynadakı səfiri Mixail Brodski ölkəsinin ABŞ-dan aldığı hava hücumundan müdafiə sistemlərini artıq Ukraynaya təhvil verdiyini bəyan edib.
Diplomatın sözlərinə görə, bu sistemlər hələ 1990-cı illərdə İsrailin ABŞ-dan əldə etdiyi Patriot hava hücumundan müdafiə sistemləridir və indi onlar Ukraynanın müdafiə ehtiyacları üçün istifadəyə verilib.
“1990-cı illərin əvvəlində ABŞ-dan aldığımız Patriot sistemləri indi Ukraynadadır. Bu sistemlər İsrail ordusunda xidmət edirdi və biz onları Ukraynaya təhvil verməyə qərar verdik,” – deyə Mixail Brodski bəyan edib.
O bildirib ki, İsrailin Ukraynaya hərbi dəstək göstərmədiyi iddiaları həqiqəti əks etdirmir və bu yardımların bir hissəsi məxfi saxlanılır. Bununla belə, Brodski konkret say və çatdırılma vaxtı ilə bağlı ətraflı məlumat verməkdən yayınıb.
Mixail Brodski
Qeyd edək ki, bu açıqlama Ukraynanın hava hücumlarına qarşı müdafiə sistemlərinin gücləndirilməsi baxımından xüsusi önəm daşıyır. ABŞ-ın müttəfiqləri arasında olan İsrailin belə bir addımı, Kiyevin hava təhlükəsizliyi üzrə arsenalını daha da gücləndirəcək.
Musavat.com məsələ ilə bağlı yeni təfərrüatlar üzə çıxdıqca məlumat verməyə davam edəcək.
Musavat.com
XƏBƏR LENTİ
10 Iyun 2025
09 Iyun 2025
ŞƏRHLƏRŞƏRH YAZ