Onlayn ictimai-siyasi qəzet
İğdırda Azərbaycan adına möhtşəm tədbir-fotolar
Qardaş Türkiyənin İğdır şəhərində Azərbaycanla bağlı möhtəşəm tədbir keçirilib.
Musavat.com tədbirin təşkilatçısı İğdır-Azərbaycan Dil, Tarix və Kültür Birliyini Yaşatma Dərnəyi sədri, İğdır Azərbaycan Evinin rəhbəri Ziya Zakir Acar bildirib ki, tədbir Azərbaycanın Dövlət Müstəqilliyini Bərpasının 33-cü ildönümü və Naxçıvan Muxtar Respublikasının 100 illiyi ilə bağlı təşkil olunub. İğdırın mərkəzindəki möhtəşəm sarayda təşkil olunan törəndə Azərbaycanın istiqlal yolçuluğundan, torpaqlarını qəhrəman oğulların qanı və canı bahasına işğaldan azad etməsindən, Türkiyə-Azərbaycan qardaşlığından bəhs olunub.
Çoxsaylı iştirakçılar Naxçıvan Dövlət Filarmoniyasının rəqs kollektivinin, musiqiçilərin ifalarından məmnun qalıblar. “Proqramda hörmətli valimiz, prokurorumuz, jandarma alay komandirimiz, əyalət polis direktorları, vali müavinləri, rayon idarəçiləri, Türkiyə Respublikasının Baş konsulu, Naxçıvanın mədəniyyət, xarici işlər nazirləri, AK parti başqanı, vətəndaş cəmiyyəti təşkilatlarının təmsilçiləri, müəssisələrin rəhbərləri, ictimaiyyət nümayəndələri iştirak etdi”, Ziya Zakir Acar bildirib.
Turan sevdalısı, Azərbaycan və Türkiyə qardaşlığı naminə on illərdir əlindən gələni edən təşkilat sədri bildirdi ki, qarşıdakı dönəmlərdə növbəti möhtşəm tədbirlər keçiriləcək.
ELŞAD,
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ