Onlayn ictimai-siyasi qəzet
Ermənistan OPEK-dən böyük borc alır - Büdcə kəsirini düzəltmək üçün
Ermənistan OPEK-in Beynəlxalq İnkişaf Fondundan 50 milyon avro kredit götürməyi planlaşdırır.
Musavat.com erməni mediasına istinadən xəbər verir ki, bu barədə Ermənistanın maliyyə naziri Vahe Ovannisyan parlament iclasında müvafiq layihənin müzakirəsi zamanı bildirib.
Onun sözlərinə görə, həmin vəsait büdcə kəsirinin ödənilməsinə yönəldiləcək.
Layihədə qeyd olunur ki, vəsait nəzərdə tutulan islahatların həyata keçirilməsinə, ev təsərrüfatlarının və müəssisələrin enerji səmərəliliyinin artırılması üzrə tədbirlərin həyata keçirilməsinə, təhsil və səhiyyə sistemlərində islahatların aparılmasına, həmçinin Qarabağdan gələn ermənilərin sosial dəstəyinə yönəldiləcək.
Parlament müxalifəti bu təşəbbüsə qarşı çıxıb. Onların fikrincə, bu, Ermənistanın onsuz da kifayət qədər böyük olan dövlət borcunu artıracaq.
Musavat.com
XƏBƏR LENTİ
04 Fevral 2025
ŞƏRHLƏRŞƏRH YAZ