Onlayn ictimai-siyasi qəzet
Çinin əsas tankı sınaqdan üzüqara çıxdı – VİDEO
Çinin əsas döyüş tankı hesab olunan VT-4 Çjuhayda “Airshow China 2024” beynəlxalq aviaşousunda nümayiş zamanı sıradan çıxıb.
Musavat.com "Defence Blog"a istinadən xəbər verir ki, hərbi maşın təpəyə çıxmaq istəyərkən qəfildən dayanıb.
Qeyd olunur ki, nümayişi VT-4-ün hazırlanmasına cavabdeh olan "Norinco" şirkəti təşkil edib. Tank öz performans xüsusiyyətlərini nümayiş etdirməli idi, lakin hər şey plana uyğun getməyib:
Təpəyə qalxmağı əhatə edən sınaqlardan birində tank mexaniki nasazlıq səbəbindən qəfil dayanıb və az sonra geri gedib.
Nasazlığın səbəbi hələ müəyyən edilməyib.
Nəşr əlavə edib ki, belə bir insident Çin hərbi texnikasının keyfiyyətinin aşağı olmasından xəbər verir. Jurnalistlər 2016-cı ildə Rusiyanın Alabino poliqonunda keçirilən tank biatlonu yarışı zamanı başqa bir Çin tankının - Type-96B-nin necə sıradan çıxdığını xatırladıblar.
Xatırladaq ki, VT-4 Type 90-II prototipi əsasında yaradılmış tanklar ailəsinin bir hissəsidir. O, 1200 at gücü hasil edən 12 silindrli VT/E1 mühərriki ilə təchiz edilib və Ch1000B avtomatik sürət qutusu ilə birləşdirilib.
Döyüş maşını 125 mm-lik hamar lüləli topla təchiz edilib ki, o, təkcə standart mərmiləri deyil, həm də raketləri ata bilir. Bundan əlavə, tank 12,7 mm-lik zenit və 7,62 mm-lik daxili pulemyotlarla təchiz olunub.
Musavat.com
XƏBƏR LENTİ
27 Noyabr 2024
ŞƏRHLƏRŞƏRH YAZ