Onlayn ictimai-siyasi qəzet
Bu şəxslərə güzəştli ipoteka kreditləri verilməsi TƏKLİF EDİLİR
Minatəmizləyənlərin kifayət qədər məsuliyyətli və şərəfli iş həyata keçirdiklərini nəzərə alaraq, təklif edirəm ki, onlara da güzəştli ipoteka kreditlərindən istifadə imkanı verilsin.
Musavat.com xəbər verir ki, bunu Milli Məclisin bu gün keçirilən plenar iclasında deputat Vüqar Bayramov deyib.
O qeyd edib ki, son illər Azərbaycanda güzəştli ipoteka kreditlərindən istifadə imkanlarının kateqoriyası genişlənir və xeyli vətəndaşımızı əhatə edir.
"Bunu nəzərə alsaq, "Minatəmizləmə haqqında" qanunun qəbulundan sonra konseptual olaraq minatəmizləyənlərin də bu siyahıya əlavə olunması daha məqsədəuyğun olar. Nəzərə alsaq ki, minatəmizləyənlərin fəaliyyəti kifayət qədər risklidir və qanun layihəsi də "Əmək pensiyaları haqqında" qanuna istinad edir, təklif etmək istərdim ki, "Əmək pensiyaları haqqında" qanuna uyğun olaraq minatəmizləyənlər üçün də güzəştli şərtlərlə pensiyaya çıxmaq təmin olunsun. Bu, onların daha tez, yəni, güzəştli şərltərlə pensiyaya çıxmasını təmin edə bilər", - deyə o bildirib.
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ