Onlayn ictimai-siyasi qəzet
"Bir neçə aydır deyirəm ki..." - Paşinyandan sülh açıqlaması
"Ermənistan və Azərbaycan artıq Vaşinqtonda sənədləri imzalayaraq sülhü təmin etdilər".
Musavat.com xəbər verir ki, bunu onlayn yayımlanan mətbuat konfransında Ermənistanın baş naziri Nikol Paşinyan deyib.
O, baş verənləri tarixi hadisə adlandırıb:
"Bu gün baş verənlər tarixi hadisədir. Mən artıq bir neçə aydır deyirəm ki, Ermənistan və Azərbaycan arasında müharibə olmayacaq, sülh olacaq. Bu gün deyə bilərik ki, sülh təmin olundu və bu, ölkələrimizin suverenliyi və ərazi bütövlüyü çərçivəsində baş verdi".
Paşinyan əlavə edib ki, kommunikasiyaların və sərhədlərin açılması Ermənistan iqtisadiyyatına milyardlarla investisiya cəlb edəcək. Baş nazir ölkə vətəndaşlarını sülh gündəmi ətrafında birləşməyə çağırıb.
Xatırladaq ki, cümə günü axşam saatlarında Vaşinqtonda Ermənistanın baş naziri Nikol Paşinyan və Azərbaycan Prezidenti İlham Əliyev ABŞ prezidenti Donald Trampın vasitəçiliyi ilə kommunikasiyaların açılması haqqında memorandum imzalayıblar. Zəngəzurdan keçərək Azərbaycanın əsas hissəsini Naxçıvanla birləşdirəcək yol "Tramp yolu" adlanacaq.
Şahanə Rəhimli
Musavat.com
XƏBƏR LENTİ
10 Avqust 2025
ŞƏRHLƏRŞƏRH YAZ