Onlayn ictimai-siyasi qəzet
Bayden türk respublikalarını Vaşinqtona çağırır-Lavrov təlaşda
ABŞ prezidenti Co Bayden Mərkəzi Asiya ölkələrinin prezidentlərini ABŞ-da keçiriləcək C5+1 sammitinə dəvət edib.
Musavat.com xarici agentliklərə istinadən xəbər verir ki, məktubun mətnini Forbes jurnalı dərc edib. Toplantının bu il sentyabrın 19-u və ya 20-nə təyin edildiyi gələn xəbərlər arasındadır. Görüş böyük ehtimalla BMT Baş Assambleyası çərçivəsində keçiriləcək.
Məktubda ABŞ prezidenti Orta Asiya liderləri ilə birgə təhlükəsizlik, iqtisadi və ekoloji məqsədlərin birgə irəliləyiş yollarını müzakirə etməyi planlaşdırdığını qeyd edib.
Bu arada, Rusiyanın xarici işlər naziri Sergey Lavrov Avrasya İqtisadi İttifaqı və KTMT üzvlərinin guya Qərb ölkələrinin böyük təzyiqi altında olduğunu bəyan edib. Onun iddiasına görə, bu dövlətlərin yüksək rütbəli siyasətçilərinə anti-Rusiya sanksiyalarına qoşulmaqla bağlı şantaj tətbiq olunur. Lavrov Rusiyanın həmin ölkələrin “ehtiyatla davranmaq” siyasətini anlayışla qarşıladıqlarını qeyd edib.
Musavat.com
XƏBƏR LENTİ
05 Oktyabr 2024
04 Oktyabr 2024
ŞƏRHLƏRŞƏRH YAZ