Onlayn ictimai-siyasi qəzet
Avropanın Ukraynaya dəstək verməyə gücü yoxdur - İDDİA
Avropa diplomatik mövqeyində qətiyyətini qorusa belə, Kiyevə gələcək sülh sazişində əlverişli şərtlərin əldə olunması və ya atəşkəs rejiminin təmin edilməsi üçün kifayət qədər dəstək verə bilməyəcək.
Musavat.com xəbər verir ki, bu barədə “The Times qəzeti” yazıb.
Məqalədə bildirilir ki, “istəklilər koalisiyası” adlandırılan, Böyük Britaniya və Fransa rəhbərliyində çoxmillətli qüvvələr Ukraynanı dəstəkləmək və bəlkə də atəşkəsə nəzarət etmək üçün nəzərdə tutulsa da, onların Britaniyanın baş naziri Kir Starmerin ilkin planındakı 64 minlik canlı qüvvə hədəfini reallaşdırması ehtimalı çox azdır.
Kreml isə Ukraynada Qərb qoşunlarını qəbul etməyəcəyini bəyan edib və onların mövcudluğunun yeni dünya müharibəsinə səbəb ola biləcəyi barədə xəbərdarlıq edib. Hətta Putin razılıq versə belə, Avropa müdafiə nazirləri Böyük Britaniyanın göndərə biləcəyi 10 minlik qüvvə hədəfinə belə “heç bir şans” olmadığını bildiriblər.
Qəzet qeyd edir ki, Avropa istənilən razılaşmada danışıqlar vasitəsi kimi dondurulmuş Rusiya aktivlərinin açılması kimi stimullar təklif edə bilər. Lakin bu, yalnız Putinin müharibəni davam etdirmək əvəzinə danışıqları üstün tutmasına bağlıdır ki, bu da heç də zəmanətli deyil.
Musavat.com
XƏBƏR LENTİ
12 Avqust 2025
ŞƏRHLƏRŞƏRH YAZ