Onlayn ictimai-siyasi qəzet
ABŞ Ukrayna üçün "ERAM" raket-bombasını hazırlayır- SENSASİYA
ABŞ Silahlı Qüvvələri Ukrayna ordusu üçün "ERAM" adlı raket-bomba sistemi üzərində iş aparır.
Musavat.com xəbər verir ki, bu haqda "Defence Express" məlumat yayıb.
"ERAM" sisteminin texniki xüsusiyyətləri barədə geniş məlumat verilməsə də, bəzi əsas göstəricilər açıqlanıb. Bildirilir ki, bu silah 463 km-ə qədər məsafədə hədəfləri vurmaq qabiliyyətinə malikdir. "ERAM"-a "Quicksink" özünüidarəedən başlıq da inteqrasiya ediləcək. Bu başlıq dənizdəki gəmiləri və digər suüstü hədəfləri effektiv şəkildə məhv etmək üçün nəzərdə tutulub.
"ERAM" proqramının mövcudluğu ilk dəfə 2024-cü ilin iyulunda məlum olub. Müqavilə şərtlərinə əsasən, sistemin 2026-cı ilə qədər tam hazır olması planlaşdırılır. Bundan əlavə, ildə 1000 ədəd "ERAM" istehsal ediləcəyi bildirilir.
Proqram təkcə ABŞ-ın deyil, həm də Ukrayna, Danimarka və Niderlandın birgə əməkdaşlığı ilə həyata keçirilir. Yeni raket-bombanın hazırlanması Ukraynanın müdafiə qabiliyyətini gücləndirməklə yanaşı, Qərbin bu ölkəyə davamlı hərbi dəstəyinin göstəricisidir.
Proqramla bağlı əlavə detalların yaxın gələcəkdə açıqlanması gözlənilir.
Musavat.com
XƏBƏR LENTİ
24 Yanvar 2025
ŞƏRHLƏRŞƏRH YAZ