Onlayn ictimai-siyasi qəzet
ABŞ-ın yeni tarifləri bu məhsullara şamil olunmur
ABŞ administrasiyasının tətbiq etdiyi yeni rüsumlar polad, alüminium, mis, külçə qızıl və digər vacib mallara şamil edilmir.
Musavat.com xəbər verir ki, bu, Ağ Evin yaydığı sənəddə əksini tapıb.
Bundan əlavə, rüsumlar avtomobil hissələri, əczaçılıq məhsulları, yarımkeçiricilər, taxta və "ABŞ-da mövcud olmayan enerji və digər müəyyən mineral ehtiyatların" idxalına da şamil edilmir. Bununla belə, bu məhsullar digər hüquqi aktlarla tətbiq edilən digər ticarət rüsumlarına məruz qala bilər.
Onu da qeyd edək ki, ötən həftə Donald Tramp əczaçılıq məhsullarına əlavə rüsum tətbiq edəcəyini açıqlamışdı.
Xatırladaq ki, ABŞ administrasiyası bütün dünya ölkələrinə qarşı 10 faizlik universal tariflərin tətbiqini elan edib - onlar aprelin 5-dən qüvvəyə minəcək. ABŞ həmçinin 60 ölkəyə qarşı fərdi tarifləri artırıb. Fərdi rüsumlar aprelin 9-dan qüvvəyə minəcək.
Musavat.com
XƏBƏR LENTİ
04 Aprel 2025
03 Aprel 2025
ŞƏRHLƏRŞƏRH YAZ