İnsanlara hürriyət, millətlərə istiqlal!

ABŞ-da Pasxa üçün yumurta əvəzinə kartof boyayırlar - yumurta çox bahadır

Toyuq yumurtasının bahalaşması ilə əlaqədar ABŞ sakinləri Pasxa bayramı üçün kartof, soğan və hətta zefir boyamağa başlayıblar.

Musavat.com xarici mediaya istinadla xəbər verir ki, qışda ABŞ-da yumurta bahalaşıb. Buna səbəb quş qripindən toyuqların kütləvi şəkildə tələf olması olub. Fevral ayında yumurtanın o dənəsinin qiyməti 5,9 dollara, bəzi ştatlarda isə hətta 10 dollardan çox olub. Mart ayından topdansatış qiymətləri azalmağa başlasa da, mağazalarda qiymətlər yüksək olaraq qalır.

Bu fonda sosial şəbəkələrdə yumurta əvəzinə tərəvəz və şirniyyatların boyanması ilə bağlı təlimatların yer aldığı videolar populyarlaşıb - bəzi videolar milyonlarla baxış alır. Həmçinin, uşaq Pasxa tədbirlərində plastik yumurtalar getdikcə daha çox istifadə olunur. Məsələn, Ohayo ştatındakı “Young's Jersey Dairy” şirkəti 40 ildən sonra ilk dəfə həqiqi yumurtaları plastik yumurtalarla əvəz etmək qərarına gəlib.

“İnsanlar qiymətlərə görə bayramın ləğv olunacağından qorxurdular, odur ki, bayramın baş tutacağına sevinirlər”, - deyə fermanın rəhbəri Con Yanq bildirib.

Bununla belə, PAAS-ın sorğusuna əsasən, respondentlərin 90%-i qiymətlərin artmasına baxmayaraq, yumurta boyamaq ənənəsindən vaz keçməyəcək.

Musavat.com

ŞƏRHLƏRŞƏRH YAZ

Şərh yoxdur

XƏBƏR LENTİ

06 Aprel 2025

BÜTÜN XƏBƏRLƏR