Xəbər verdiyimiz kimi, Azərbaycanın sabiq nəqliyyat naziri Ziya Məmmədovun oğlu Anar Məmmədovun Böyük Britaniyada milyonlarla dollar dəyərində olan biznesi üzə çıxıb.

Manset.az xəbər verir ki, A. Məmmədovun hal-hazırda İngiltərənin Şimal-qərbində azı 20 restoranın olduğu bildirilir. O, 10 il öncədən həmin sərmayəni yatızdırmağa başlayıb.

Manset.az məsələ ilə bağlı Anar Məmmədovla əlaqə saxlasa da, o, cavab verməyib.

Ancaq atası Ziya Məmmədov telefona cavab verib.

O, Anar Məmmədovun mülkləri ilə bağlı suallara cavab verməkdən yayınmağa çalışıb:

“Mən belə işlərlə məşğul deyiləm. Əl çəkin məndən” - deyərək telefonu bağlayıb.