Zelenski Bayden və Si Cinpini Sülh Sammitinə DƏVƏT ETDİ

Ukraynanın prezidenti Volodimir Zelenski ABŞ prezidenti Co Bayden və Çin Xalq Respublikasının Sədri Si Cinpini cari ilin iyun ayında İsveçrədə keçiriləcək birinci Sülh Sammitinə dəvət edib.

Musavat.com xəbər verir ki, bu barədə Ukrayna lideri öz teleqram kanalında yayımladığı videomüraciətdə bildirib.

Daha əvvəl Zelenski etiraf etmişdi ki, Ukrayna İsveçrədə keçiriləcək Sülh Sammitində mümkün qədər çox ölkə toplamağa çalışır və ümid edir ki, bu, Rusiyaya qarşı qərarlar qəbul etməyə imkan verəcək.

“Reuters” məlumat yayıb ki, ABŞ nümayəndələri İsveçrədə Ukrayna ilə bağlı konfransda iştirak edəcəklər. 

Musavat.com

26.05.2024 20:33
725