"Jorik Tbilisski" ləqəbli kriminal avtoritet Georgi Manukyan iyulda Monteneqronun Tivat hava limanında saxlanılıb.
59 yaşlı Jorik cinayət iyerarxiyasında ən yüksək vəzifə tutmaq maddəsi ilə Rusiyada qiyabi ittiham olunub.
Manukyana 1993-cü ildə Krasnodarda Vladimir Volkov (Volçok) və Aslan Usoyan (Xasan) tac qoyub. Kriminal avtoritet dəfələrlə narkotikə görə həbs olunub.
2017-ci ildə Jorik Tbilisski hədə-qorxu ilə tələb etmə maddəsi ilə istintaq təcridxanasına salınsa da, 2020-ci ildə barəsindəki məhkəmə hökmü ləğv edilib. O vaxtdan bəri heç kim "qanuni oğru"nun harada olduğunu bilməyib.//Publika.az