Astrofiziklər yer üzündə əbədi zülmətin çökəcəyi vaxtı hesablayıblar.

Musavat.com Medianews.az-a istinadla bildirir ki, alimlərin hesablamasına görə, planet hər 100 ildən bir qaranlığa bürünmüş maddənin təsiri altında 0,015 dərəcədə istiləşə bilər. Belə ki, 1000 il ötəndən sonra istiliyin dərəcəsi artıq 0,15 dərəcə, bir milyon il keçəndən sonra isə daha çox artıq olacaq.

Tədqiqatçılar bu hesablamaları belə izah ediblər ki, Yer planetinin daxilində bütün istiliyin yığılmadığını nəzərə almaqla, bu cür dəyişikliklərin gözlənilməsi tamamilə mümkündür.

Yerin fırlanması sürətinə gəlincə, təxmin edilir ki, qaranlıq maddə hər əsrdə Yer planetində günün uzunluğunu 12 saniyə qısalda bilər.

Alimlərin dərc olunmuş elmi məqaləsində mövzu barədə deyilir: “Əgər məlumatları Yer tarixinin 4,5 milyard ili üzərindən tam ekstrapolyasiya etsək, günün 540 milyon saniyə və yaxud 17 il azalması nəticəsini alırıq. Bu o deməkdir ki, müəyyən dəyişikliklər var və qaranlıq Yer üzünün qaçılmaz gözləntisi ola bilər”.

Müqayisə üçün alimlər qaranlıq maddənin on yarım ekzoplanetə təsirini hesablayıblar. Məlum olub ki, tamamilə qatı zülmət törətməyə qadir olan bu qaranlıq maddənin sıx yığılmaları arasında onun təsiri digər maddələrdən üstünlük təşkil etməyə başlayır. Bu isə planetlərin, eləcə də Yerin fırlanması sürətinin daha da intensivləşməsinə səbəb olur.