Yeni Zelandiyada uçuşlar ləğv olundu, məktəblər bağlandı

“Qabriel” siklonu adalara yaxınlaşdığı üçün Yeni Zelandiyada onlarla uçuş ləğv edilib və məktəblər bağlanıb.

Ölkənin ən böyük aviadaşıyıcısı “Air New Zealand” fevralın 14-ü günorta saatlarına qədər Oklendə və oradan bütün daxili reysləri, eləcə də bir çox beynəlxalq reysləri ləğv etdiyini açıqlayıb.

Həmçinin, Oklenddə 36-dan çox məktəb və universitet bağlanıb.

Fırtına nəticəsində 250 mm-ə qədər yağıntının düşəcəyi, küləyin sürətinin 130 km/saata çatacağı gözlənilir.

Səlahiyyətlilər sakinləri fırtına xəbərdarlığını ciddi qəbul etməyə çağırıb.

Mənbə: rossaprimavera.ru

12.02.2023 22:25
2197