Yaponiya hökuməti Ukraynaya 4,5 milyard dollar məbləğində əlavə yardım paketi ayırmaq niyyətindədir.

Musavat.com xəbər verir ki, bu barədə Kyodo agentliyi Yaponiyanın maliyyə naziri Shuniçi Suzukiyə istinadən məlumat yayıb.

Yaponiya nümayəndələri daha əvvəl qeyd etmişdilər ki, onlar Ukraynaya 7,6 milyard dollardan çox humanitar, ərzaq, maliyyə və digər yardımlar göstəriblər.

Dekabrın 15-də Nazirlər Kabinetinin baş katibi Yoşimasa Hayaşi Tokioda keçirdiyi mətbuat konfransında bildirib ki, Yaponiya hakimiyyəti ABŞ-ın yardımının azaldılması halında Kiyevə əlavə dəstək vermək imkanını şərh etməyəcək.

Musavat.com