Bakının Xətai rayonunda yol-nəqliyyatı hadisəsi olub.

APA xəbər verir ki, hadisədə “Range Rover” markalı minik maşını ilə yük avtomobili toqquşub.

Əraziyə təcili tibbi yardım və polis əməkdaşları cəlb edilib.

Tibbi Ərazi Bölmələrini İdarəetmə Birliyindən (TƏBİB) verilən məlumata görə, qəzada iki nəfər xəsarət alıb.

Xəsarət alan şəxslərdən biri boyun nahiyəsinin küt travması diaqnozu ilə Kliniki Tibb Mərkəzinə, digəri müştərək travma ilə Sabunçu Tibb Mərkəzinə hospitalizasiya olunub.

Faktla bağlı araşdırma aparılır.