"Bir neçə televiziyanı çıxmaq şərtilə telekanallarımızda hər gün Azərbaycanda ailə institutunun dağılması yolunda yarış gedir".

Musavat.com teleqraf.com-a istinadən bildirir ki, bu sözləri xalq artisti Nurəddin Mehdixanlı yutubda yayımlanan "Retro söhbət" verilişində deyib:

"Verilişlərimiz var ki, orada Azərbaycan kişisi axmaq gəzəyən kimi təqdim olunur, qadınlar isə həyasız kimi saç yolduya çıxırlar, boşanırlar, evlənirlər. Hər gün bu şeylər efirdə nümayiş olunur. Əgər hər gün bunu Azərbaycan gənci görürsə, o zaman böyüyə necə hörmət edə bilər?! Əgər mənim böyüyüm, ağsaqqalım, ağbirçəyim budursa... Yox, bunlardan uzaq...".