"İran küçələrində çoxsaylı etirazçıların öldürülməsi və ölüm hökmünün tətbiqi biabırçılıqdır, iyrəncdir".

Musavat.com xəbər verir ki, bunu Avropa Parlamentinin üzvü Mayk Uolles tvitter hesabında yazıb.

"Lakin ABŞ və onun müttəfiqlərinin rejimin dəyişməsini gözləmələri və İran daxilindəki qrupları silahlandırması məsələyə kömək etmir. Bundan başqa, Qərbin qeyri-qanuni sanksiyaları ən çox İran xalqına ziyan vurur", - M.Uolles qeyd edib.

ABŞ mərkəzli İranda Hüquq Müdafiəçiləri təşkilatının yaydığı məlumata əsasən, İranda etirazlarda 600-ə yaxın insan həlak olub.