“Sərhədsiz Reportyorlar” (RSF) təşkilatının yeni reytinqinə əsasən, Ukrayna və ABŞ mətbuat azadlığı üzrə mövqelərini itiriblər.

Musavat.com xəbər verir ki, bu barədə “Qordon media” məlumat yayıb.

Ukrayna ötən ilki 61-ci yerdən 62-ci pilləyə düşüb (180 ölkə arasında). ABŞ-da da oxşar geriləmə müşahidə olunur — ölkə 55-ci yerdən 57-ci yerə enib.

“Axios” nəşri yazır ki, bu göstərici ilə ABŞ-da mətbuat azadlığı tarixi minimuma enib.

RSF bildirir ki, bu enişlər yalnız siyasi deyil, həm də iqtisadi çətinliklər səbəbindən baş verib. Xüsusilə Ukrayna və ABŞ-da media qurumlarının fəaliyyətinə təsir edən iqtisadi gərginlik bu ölkələrin reytinqdə aşağı düşməsinə səbəb olub.

Rusiya isə azadlıq göstəriciləri baxımından ən pis nəticələrdən birini nümayiş etdirib. Ölkə ötən ilki 162-ci yerdən 171-ci yerə geriləyərək reytinqin demək olar ki, sonuna düşüb.

Mətbuat azadlığı reytinqinin ilk 5-liyində isə bu ölkələr yer alır:

1. Norveç

2. Estoniya

3. Niderland

4. İsveç

5. Finlandiya

Musavat.com