Ukrayna Müdafiə Nazirliyinin (MN) Baş Kəşfiyyat İdarəsi (GUR) Rusiya Silahlı Qüvvələrinin (AF) polkovniki Aleksey Kolomeytsevi məhv etdiklərinə dair məlumat yayıb.

Musavat.com xəbər verir ki, bu barədə Ukraynanın “Strana” nəşri Telegram-da və bir sıra digər KİV-lərdə məlumat yayıb.

Kolomeytsevin Rusiya Müdafiə Nazirliyinin 924-cü Dövlət Pilotsuz Aviasiya Mərkəzinin rəisi olduğu və onun Moskva vilayətində məhv edildiyi bildirilir. RTVI öz Telegram kanalında hadisənin Kolomnada baş verdiyinə dair məlumat yayıb.

Ukrayna kəşfiyyatının məlumatına görə, Kolomeytsev rusiyalı mütəxəssislərə pilotsuz uçuş aparatlarının (PUA) istifadəsi üzrə təlim keçirmiş.

Rusiya tərəfi hələlik bu məlumatı şərh etməyib.

Musavat.com