Ukraynanın pilotsuz uçuş aparatları Vladimir Putin adına Rusiya Xüsusi Təyinatlı Qüvvələri Universitetinin ərazisinə hücum edib. Çeçenistan rəhbəri Ramzan Kadırov məlumat verib.

Universitet Qudermesdə yerləşir. Hücum oktyabrın 29-u səhər saatlarında baş verib. Kadırovun sözlərinə görə, basqın nəticəsində boş binanın dam örtüyü yanıb.

Ölən və xəsarət alan yoxdur. Yanğın tez bir zamanda söndürülüb. İstintaq orqanları hadisə ilə bağlı araşdırmalara başlayıb. RUS-un fəaliyyəti dayandırılmayıb, bütün xidmətlər normal rejimdə işləyir.

Ukrayna ordusu Luqansk şəhərini raket atəşinə tutub. Rusiya mətbuatı məlumat yayıb. Bildirilib ki, raketlərdən bəziləri şəhərin sənaye zonasına düşüb. Ərazidə yanğınların baş verdiyi qeyd edilir.

Rusiya qoşunları Ukraynanın Donetsk vilayətində daha üç kəndi işğal edib. Rusiya Müdafiə Nazirliyinin bu gün yaydığı məlumata görə, Katerinivka, Qornyak və Dobrovolye əraziləri ələ keçirilib.

Məlumata görə, Ukrayna Silahlı Qüvvələrinin təchizatı üçün mühüm dəmir yolu xətti Qornyakdan keçir. Qornyak Ukraynada münaqişədən əvvəl Donbasdakı ən yüksək nöqtələrdən biri hesab olunurdu, orada 11 mindən çox insan yaşayırdı.

Rusiya qoşunları Ukraynanın Donetsk vilayətinin Selidova şəhərini tam nəzarətə götürüb. Rusiya Müdafiə Nazirliyi məlumat yayıb. Bildirilib ki, Rusiya ordusu Pokrovski istiqamətində Selidovonu tamamilə azad edib.

Qeyd edək ki, Selidovo Donetskdən 44 km, Pokrovskdan 20 km məsafədə yerləşən böyük yaşayış məntəqəsidir. ️2022-ci ildə Selidovoda 21,5 min nəfər qeydiyyatda olub. Bu şəhərdə "Ukrayna" və "Kuraxovskaya" kömür mədənləri yerləşir.

Selidovonun nəzarətə götürülməsinin Rusiya Silahlı Qüvvələrinin irəliləyən qrupunun cinahlarını təmin edəcəyi və Ukrayna Silahlı Qüvvələrinin Mirnoqrad və Pokrovskda - Kiyevin Donbassdakı müdafiə və logistika mərkəzlərində həyatını daha da çətinləşdirəcəyi bildirilib.

TVMusavat-ın bu gün saat 16:00-da canlı yayımlanan “Həftə içi” verilişində aparıcı Emil Salamoğlu siyasi şərhçi Fikrət Fəraməzoğlu ilə Gürcüstan və Ukraynadakı böhranları müzakirə edir.

Facebook səhifəsinin ünvanı:

https://www.facebook.com/tvmusavat

Youtube səhifəsinin ünvanı: