Azərbaycan və Türkmənistan İran üzərindən qaz ticarətini davam etdirmək üçün danışıqlar aparır.

Musavat.com xəbər verir ki, bu barədə məlumatı İran Milli Qaz Şirkəti (NIGC) yayıb.

NIGC-nin məlumatına görə, Türkmənistandan İran vasitəsilə Azərbaycana qaz nəqli müvəqqəti olaraq dayandırılıb.

İran mediası NIGC-yə istinadən məlumat verir ki, Bakı və Aşqabad bu məsələ ilə bağlı danışıqlar aparır.

Xatırladaq ki, 2021-ci il noyabrın 28-də Aşqabadda imzalanmış üçtərəfli svop sazişinə əsasən, İran Türkmənistandan aldığı qazı Azərbaycana 2022-ci ilin yanvarında nəql etməyə başlayıb. Müqavilə İran vasitəsilə Azərbaycana ildə 1,5-2 milyard kubmetrədək türkmən qazının nəqlini nəzərdə tutur.

Dövlət Statistika Komitəsinin məlumatına əsasən, 2023-cü ilin yanvar-oktyabr ayları ərzində Azərbaycan Türkmənistandan 189 milyon 629,45 min dollar dəyərində 1 milyard 326 milyon 683,15 min kubmetr qaz alıb. 2022-ci il iyunun əvvəlində Bakıda Azərbaycanın iqtisadiyyat naziri Mikayıl Cabbarov və İranın neft naziri Cavad Ouci arasında imzalanan anlaşma memorandumuna əsasən, Türkmənistandan Azərbaycana İran vasitəsilə qaz nəqli iki dəfə artırılacaq.

Musavat.com