Türkiyənin energetika naziri Alparslan Bayraktar bildirib ki, ölkədə gündəlik neft və qaz hasilatında yeni rekordlar qırıb. Musavat.com nazirin X. sosial şəbəkədəki səhifəsində paylaşımına istinadən xəbər verir ki, gündəlik neft hasilatı rekordu avqustun 17-də, 107 min 621 barel hasil edildiyi zaman qeydə alınıb. Avqustun 15-də isə bu günə qədər qazın maksimal həcmi qəbul edilib - 7,609 milyon kubmetr.

Son illər Türkiyə öz ərazisində, eləcə də Qara dəniz və Şərqi Aralıq dənizində qaz və neft yataqlarının kəşfiyyatını intensivləşdirib. Qara dənizdə Sakarya qaz yatağının işlənməsi davam edir, Türkiyənin Kipr bölgəsindəki müstəsna iqtisadi zonasında neft və qaz kəşfiyyatı aparılır. Bundan əlavə, qazma işlərinin mürəkkəbliyi və təhlükəsizlik problemləri səbəbindən yatağın işlənilməsinin uzun müddət sərfəli olmadığı hesab edilən dağlıq bölgələrdə Türkiyənin cənub-şərqində neft hasilatının artırılması istiqamətində işlər davam etdirilir.

Musavat.com