Türkiyədə 117 tələbə qidadan zəhərlənib.

“Report” “Haber Global” telekanalına istinadən xəbər verir ki, hadisə Isparta Süleyman Dəmirəl Universitetinin Şərq Kampusunda yerləşən Kredit Yurdular Təşkilatına bağlı Bədiüzzaman Səid Nursi Qız Yataqxanasında baş verib.

Belə ki, şam yeməyindən sonra 117 tələbə ürək bulanması, qarın ağrısı və ishal kimi şikayətlərlə xəstəxanaya yerləşdirilib.

Xəstəxanalara müraciət edən tələbələrin hamısı təcili yardım şöbələrində müalicə olunub və ambulator müalicəyə göndərilib. Faktla bağlı araşdırma aparılır.