Türk ordusu İraqın şimalında “Pəncə-Kilid” kod adlı antiterror əməliyyatlarını davam etdirir. 

Musavat.com xəbər verir ki, bu barədə Türkiyə mediasında məlumat verilib.

Son dəqiqə məlumatlarına görə, Türkiyə ordusu axşam saatlarından etibarən İraq və Suriyanın şimalında terrorçuların mövqelərini, sığınacaqlarını və bunkerlərini məhv edib. 

Rəsmi mənbələrdən verilən xəbərdə bildirilir ki, silahlı qüvvələr 29 hədəfi məhv edib. 

Türkiyə Müdafiə Nazirliyindən verilən açıqlamada bildirilib ki, Birləşmiş Millətlər Təşkilatı Nizamnaməsinin 51-ci maddəsinə əsasən, təbii özünümüdafiə hüquqlarımıza uyğun olaraq, 23 dekabr 2023-cü il saat 22:00-da İraq-Suriyanın şimalında terrorçulara qarşı hava əməliyyatları həyata keçirilib. Separatçı Terror Təşkilatı PPK/YPG-yə məxsus sığınacaqlar, neft obyektləri və anbarlar daxil olmaqla ümumilikdə 29 hədəf məhv edilib.

Hazırda əməliyyatlar davam etdirilir.

@@TVmusavat/75522@@

Musavat.com