Yəməndəki "Ənsar Allah" hərəkatının husiləri Qırmızı dənizdə Türkiyənin "Anadolu S" yük gəmisinə raket zərbəsi endiriblər.

Musavat.com xəbər verir ki, hərəkatın sözçüsü Yəhya Sariya "Əl Məsirə" telekanalında bildirib ki, Yəmən donanması əməliyyat keçirərək, Qırmızı dənizdə olan "Anadolu S" gəmisinə bir neçə ballistik və gəmi əleyhinə raketlərlə hücum edib. "Anadolu S" İstanbulda yerləşən "Oras Shipping" şirkətinə məxsusdur və Panama bayrağı altında üzür.

"Anadolu S" yük gəmisi Panama bayrağı altında qeydiyyatdan keçib.

Bu hücum, Yəməndəki husilərin Qırmızı dənizdəki gəmilərə qarşı həyata keçirdiyi son əməliyyatlardan biridir. Husilər, Yəməndəki münaqişə çərçivəsində tez-tez dənizdəki hədəflərə hücumlar təşkil edirlər.

Hücum nəticəsində gəminin aldığı zərər və ekipajın vəziyyəti barədə hələlik ətraflı məlumat yoxdur. Hadisə ilə bağlı araşdırmalar davam edir. 

 

Musavat.com