"Baxır, mənim haqqımda tənqidi kim deyir. Tənqidi musiqişünas, geyimdən başı çıxan etməlidir. Qalan hər şeyi bir torbaya toplayıb deyirəm ki, bu insanları tanımıram".

Bizim.Media xəbər verir ki, bu sözləri Xalq artisti Tünzalə Ağayeva qonaq olduğu "Özəl" verilişində deyib.

Sənətçi onun açıq-saçıq geyimini tənqid edənlərə ilk dəfə cavab verib:

"Mənim üçün vacibdir ki, bu sözü mənə kim deyir. Gənc haqqında danışanda sevinir ki, Tünzalə Ağayeva haqqımda nəsə deyir. Mənə də haqqımda kimin nə dediyi vacibdir. Söhbət internetdən gedirsə, bir adam oturub yüz hesabdan yazır. Varlıqlarından xəbərim olmayanların nəsə deməyi əhəmiyyətli deyil. O ki qaldı sənət adamlarının söz deməyinə... Adekvat müğənni adekvat söz deyəcək. Başqasını isə həmkar hesab etmirəm. Mənim adıma hörmət etməyən kanalı, verilişi, aparıcını tanımıram".