ABŞ Konqresindəki demokratlar yeni seçilmiş prezident Donald Trampın gələcək administrasiyasında vəzifələrə namizədlərin təsdiqlənməməsi üçün bütün səylərini əsirgəməyəcək.

Musavat.com xəbər verir ki, bunu demokrat senator Alejandro Padilla bildirib.

The Hill konqresmendən sitat gətirir: “Bu adamlar Trampın onlar üçün nəzərdə tutduğu vəzifələri tutmaq üçün ciddi ixtisas çatışmazlığı olan insanlardır. Demokratlar öz növbəsində nə etməyə hazırdırlar? Nə tələb olunursa, onu. Və bu, təkcə ABŞ Konstitusiyasını qorumaqla bağlı deyil, həm də xalqı qorumaqdır".

The Hill xatırladır ki, demokrat konqresmenlər Pentaqonun rəhbəri vəzifəsinə Pit Heqsetin, səhiyyə naziri vəzifəsinə kiçik Robert Kennedinin və ABŞ prokuroru vəzifəsinə keçmiş konqresmen Mett Qetzin namizədliyini tənqid etmişdilər.

Musavat.com