Donald Tramp prezident seçkilərində qalib gələrsə, ABŞ “yalnız lazım gəldikdə” xaricdə hərbi gücdən istifadə edəcək.

Musavat.com xarici agentliklərə istinadən xəbər verir ki, bu barədə Respublikaçılar Partiyasından vitse-prezidentliyə namizəd Ceyms Devid Vens bəyan edib.

O bu çıxışını Viskonsin ştatının Miluoki şəhərində keçirilən Respublikaçıların Milli Qurultayında edib:

“Biz uşaqlarımızı yalnız lazım gəldikdə müharibəyə göndərəcəyik. Prezident Tramp İŞİD-in məhv edilməsi və bir çox digər hərəkətləri ilə göstərdi ki, biz vurduğumuz zaman güclü zərbə endirmişik”, - deyə, Vens vurğulayıb.

Musavat.com