Erməni Apostol Kilsəsinin Tavuş Yeparxiyasının primatı Baqrat Qalstanyanın rəhbərlik etdiyi hərəkat İrəvana yürüşünü davam etdirir.

Musavat.com erməni mediasına istinadən xəbər verir ki, təxribatçı keşişin yürüşü Göyçə yarımadası deyilən ərazidən başlayıb.

“Birtərəfli güzəştlərin bu fəlakətli kursunun sonu və sərhədləri yoxdur. Şimaldan cənuba böyük və qəribə bir qanaxma prosesindəyik. Bu proses dayandırılmalıdır”, - deyə Qalstanyan yürüşdən əvvəl deyib.

Yerli mətbuatın məlumatına əsasən, “Şirak Vətən uğrunda” vətəndaş hərəkatının üzvləri Tavuş rayonundan başlayan yürüşə qoşulmaq üçün mayın 8-də saat 10:00-da Abovyan şəhərinə gedəcəklər.

Musavat.com