Martın 16-19-da Türkiyənin İzmir şəhərində keçirilməsi planlaşdırılan “Teknofest” Aerokosmik və Texnologiya festivalı ertələnib.
“Report” xəbər verir ki, bu barədə “Teknofest”in tviter səhifəsində bildiriş paylaşılıb.
“16-19 mart tarixlərində keçirməyi planlaşdırdığımız “Teknofest İzmir” ölkə olaraq yaşadığımız zəlzələ fəlakətinin gətirdiyi ortaq acıları səbəbi ilə irəli tarixə ertələnib”, - bildirişdə qeyd olunub.
Texnologiya şənliyinin baş tutacağı dəqiq tarix açıqlanmayıb.