Livandakı partlayışlarla eyni vaxtda Mosulda (İraq) Haşd əş-Şaabi silahlı qruplaşmasının qərargahında bir neçə portativ rabitə qurğusu partlayıb.

Musavat.com xəbər verir ki, bu barədə Səudiyyə Ərəbistanının Əl-Hədat telekanalı İraqdakı mənbələrə istinadən məlumat yayıb.

Xatırladaq ki, Livanda bu gün rabitə cihazlarının ikinci seriyasının partlaması nəticəsində ölənlərin sayı 14-ə çatıb. Məlumata görə, ən azı 450 nəfər yaralanıb.

Qeyd edək ki, dünən də eyni vaxtda Livanın müxtəlif bölgələrində peycerlərin kütləvi partladılması nəticəsində 4 mindən çox insan xəsarət alıb, 11 nəfər ölüb.

 

Şahanə Rəhimli
Musavat.com