Tehran İsrailin nüvə mərkəzlərinin yerini müəyyənləşdirib. İsrail İranın son hücumuna cavab verərsə, İran onları məhv etməyə hazırdır.

Musavat.com ISNA agentliyinə istinadən xəbər verir ki, bu açıqlama ilə İran İslam İnqilabı Keşikçiləri Korpusunun (SEPAH) nüvə müdafiə və təhlükəsizlik bölməsinin komandiri general Əhməd Həktələb çıxış edib.

"İsrail nüvə mərkəzlərinin yeri müəyyən edilib. Bizim ixtiyarımızda bütün hədəflər haqqında lazımi məlumatlar var. Onların şübhəli hərəkətlərinə cavab olaraq, hədəfləri məhv etmək üçün güclü raketlər buraxmağa hazırıq", - ISNA agentliyi generalın sözlərindən sitat gətirir.

Musavat.com