“Bakı Metropoliteni” QSC-nin sabiq rəisi Tağı Əhmədovla vida mərasimi Novxanıdakı evində olacaq.

Bu barədə Musavat.com-a onun yaxınları məlumat verib.

Bildirilib ki, sabiq rəis bu gün Əhmədlidə yerləşən məzarlıqda dəfn ediləcək.

Qeyd edək ki, Əhmədov Tağı Məhəmməd oğlu 1 fevral 1949-cu ildə Naxçıvanın Şahbuz rayonunda anadan olub. O, 1998–2014-cü illərdə “Bakı Metropoliteni” QSC-yə rəhbərlik edib. T.Əhmədov eyni zamanda, 2022-ci ilədək Yeni Azərbaycan Partiyası Yasamal rayon təşkilatının sədri idi.

Şahanə Rəhimli,
Musavat.com