Xəbər verdiyimiz kimi, Livanın “Hizbullah” hərəkatı İsrail ərazisini raket atəşinə tutub.

Musavat.com telegram kanallarına istinadən xəbər verir ki, hazırda İsrailin “Ramat David” bazası ətrafında güclü partlayış səsləri eşidilir.

Qeyd olunub ki, “Hizbullah” hərəkatının lideri Həsən Nəsrullah bir neçə dəqiqə əvvəl Hayfaya hücumun əmrini şəxsən verib. 

“Hizbullah” ilk dəfə olaraq İsrailə qarşı “Fəcr-5” raketlərindən istifadə edib. 

Son məlumatlara görə, İordaniya hökuməti öz vətəndaşlarından Livanı mümkün qədər tez tərk etmələrini istəyib.

Ərəb mediası yazır ki, İordaniya və Səudiyyə Ərəbistanı müdafiə qüvvələri Yəmənin İsrailə mümkün hücumlarını dəf etmək üçün hazır vəziyyətdədir.

İran telegram kanalları İsrailin baş naziri Benyamin Netanyahunun yeraltı sığınacaqda olduğunu iddia edir.

Musavat.com