Rusiyanın ümumi neft ixracı son dörd ayın ən yüksək səviyyəsinə yüksəlib.

Musavat.com xəbər verir ki, bu barədə Bloomberg məlumat yayıb.

Məlumata görə, fevralın 22-dək olan yeddi gün ərzində Rusiya neftinin həftəlik tədarük həcmi gündəlik 365 min barel artaraq 3,5 milyon barel təşkil edib ki, bu da hədəfdən 215 min barel çoxdur. Bu artım Rusiyaya “Sokol” markalı neftinin tədarükü ilə bağlı çətinlikləri kompensasiya etməyə imkan verib.

Nəşr qeyd edir ki, Hindistanın neft emalı zavodları Amerika sanksiyalarına görə, həmçinin nəqliyyat xərclərinin artması səbəbindən neft alışı mənbəyi planlarına yenidən baxmağa məcbur olublar. Nəticədə hazırda gəmilərdə ən azı 14 yük “Sokol” nefti var, onların ümumi həcmi təxminən 10 milyon bareldir. Bu ay Hindistan yalnız bir neçə belə yük qəbul edib.

Keçən il Hindistan Rusiya neftinin dəniz yolu ilə idxalına görə birinci yeri tutub. Mütəxəssislərin fikrincə, 2023-cü ilin yanvar-may aylarında ruslar Hindistana neft tədarükünü 37 milyon tona çatdırıblar - bu, əvvəlki ilin eyni dövrü ilə müqayisədə təxminən 11 dəfə çoxdur (bütün 2022-ci ildə Hindistan 33,4 milyon ton Rusiya nefti idxal edib).

Fevralda məlum oldu ki, ruslar neft ixracından “görünməmiş” gəlir əldə ediblər. Eyni zamanda, Rusiya neftindən hasil edilən Hindistan neft məhsulları, digərləri ilə yanaşı, ABŞ tərəfindən aktiv şəkildə alınır.

 

Musavat.com